VOERMOL DROË KOEI AANVULLING

Klas: Proteïen-Mineraal-Energie Supplement vir Herkouers

VOERMOL DROË KOEIAANVULLING is ’n proteïen-mineraal-energie supplement vir droë melkkoeie, en

kan as sulks, ongemeng, gevoer word of dit kan met ander bestanddele vermeng word;
verbeter smaaklikheid van voermengsels;
verhoog inname van laegraadse ruvoere wanneer dit daarmee vermeng word;
voorsien energie, proteïen en minerale wat produksie stimuleer;
voorsien al sewe essensiële spoorelemente en Vitamine A.
bevat matige vlakke van sekere anioonsoute wat kan help om melkkoors te voorkom.

VOERINSTRUKSIES

Voer aan dragtige koeie vanaf 3 weke voor kalwing tot en met kalwing.
Voer teen minimum 2.5 kg per koei per dag tesame met ad libitum ruvoer. Gebruik urine ph as maatstaf om die korrekte voedingsvlak te bepaal. Urine ph moet 4 dae nadat koei begin om die produk te vreet daal na 6.5 vir Holsteins / kruise en 5.5 vir Jerseys / kruise.
Indien verlang meng met gelyke dele mieliemeel om die rumen vir die melk rantsoen voor te berei.

Hierdie is 'n aanvulling en nie 'n volledige voer nie. Genoegsame weiding en/of ruvoer moet beskikbaar wees.

NPN-WAARSKUWING

Hierdie veevoedsel bevat NPN-bronne en moet daarom streng volgens die gebruiksaanwysings vermeng en gevoer word.

Asyn is 'n doeltreffende middel teen NPN- vergiftiging. Meng met gelyke hoeveelheid water en doseer 'n halwe bottel per kalf en 2 - 4 bottels per bees. (1 bottel = 750 ml).
Beskerm hierdie veevoedsel teen reen. NPN is oplosbaar en diere wat so 'n oplossing drink kan vergiftig word.
Moet nie die veevoedsel onoordeelkundig saam met ander NPN-bevattende veevoedsels voer nie. Raadpleeg 'n veekundige.
Hou lek bakke vol en verhoed dat honger diere hul oorvreet. 'n Konstante daaglikse voerinname voorkom vergiftiging.
Voordat 'n NPN-bevattende lek gevoer word, moet 'n gewone sout/fosfaatlek vir minstens 7 dae gevoer word.

Deur die gebruik van hierdie produk aanvaar u uitdruklik ons standaard handelsvoorwaardes en erken u spesifiek dat u die handelsvoorwaardes gelees het. Indien u onseker is oor ons voorwaardes, verwys asseblief na die keersy van die bestelvorm en die afleweringsnota of u kan ons skakel op telefoonnommer 032 439 5599 en ons sal u graag met 'n afskrif daarvan verskaf.