VOERMOL SUPER 18

Klas : Proteïen-, Mineraal- en Energie-aanvulling vir Herkouers

VOERMOL SUPER 18 is ’n proteïen-, mineraal- en energie supplement vir herkouers: – kan as sulks, ongemeng gevoer word of dit kan met ander bestanddele vermeng word

• verbeter smaaklikheid en stimuleer voerinname 
• verminder stowwerigheid en dus vermorsing van voer 
• voorsien energie, proteïen en minerale wat produksie stimuleer 
• bevat melasse wat ’n verskeidenheid spoorelemente voorsien 
• is ’n veelsydige produk met baie aanwendings 
• geskik vir antilope wild. 

 

Sien ureumwaarskuwing op p. 6.

GEBRUIKE VAN VOERMOL SUPER 18
PRODUKSIELEK: Gebruik Voermol Super 18 as ’n proteïen-, mineraal- en energie-aanvulling vir beeste, skape en bokke.
Geen vermenging is nodig nie.
Voer Voermol Super 18 aan koeie met kalwers om onnodige massaverlies na kalwing te voorkom.
Voer Voermol Super 18 as ’n prikkellek aan ooie vanaf drie weke voor paring (vir ongeveer 6 weke).

AANBEVOLE INNAME
Beeste:              1.4 kg – 2 kg/bees/dag
Droë koeie:       1.5 kg/koei/dag (60 – 21 dae voor kalwing)
Skape:                230 g – 400 g/skaap/dag
Waar inname hoër is as die aanbevole inname moet 10 % sout ingesluit word.

MINERALELEK: Meng Voermol Super 18 met ander voerbestanddele om ’n mineralelek (6P) van goeie gehalte op groen veld en groenweiding te gee – sien menginstruksies.
INNAME:
140 g – 300 g/bees/dag
20 g – 40 g/skaap/dag

DROË KOEIMENGSEL: Hierdie droë koeimengsel (sien menginstruksies) kan groot verligting bring in kuddes waar die voorkoms van melkkoors asook die vassit van nageboortes ’n probleem is. Voer hierdie mengsel teen 2 kg tot 4 kg per koei per dag vanaf drie weke voor kalwing, tesame met kuilvoer en/of hooi. Moet nie peulgewashooi tydens hierdie drie weke voer nie. Neem kennis dat hierdie droë koei mengsel nie anioon soute bevat nie, maar dat die lae kalsium inhoud die voorkoms van metaboliese steurnisse effektief voorkom.

ENERGIELEK: Gebruik Voermol Super 18 om ’n energielek van goeie gehalte te meng. Gebruik energielek as energie-aanvulling op veld. Gebruik energielek as energie-aanvulling vir wild.
INNAME:
Skape en bokke:    230 – 400 g/dier/dag
Wild:                         150 – 300 g/dier/dag
Beeste:                     1.4 – 2 kg/bees/dag
Lek vir laatdragtige en lakterende ooie:
Skape en bokke:    250 – 500 g/dier/dag

SUIWELMEEL: Sien voerinstruksies (riglyne-suiwel)

OORGANGSLEK: Die mineralelek kan ook as ’n goeie gehalte oorgangslek vir skape en beeste gebruik word. (Sien p.14.)